HTML Tutorials 17- Body tag- ல் BACKGROUND பண்பு..
கடந்த இடுகையில் Body குறிஒட்டில் பயன்படுத்தப்படும் சிறப்புப் பண்புகளில் ஒன்றான TEXT என்ற பண்பைப் பார்த்தோம். முந்தையப் பதிவில் பார்த்த BGCOLOR என்ற பண்பை போன்றதே
HTML
ஆவணத்தில் முக்கிய குறிஒட்டான tag-ல் பயன்படுத்தப்படும் சிறப்புப்
பண்புகளைப் பற்றி கற்றுக்கொண்டிருக்கிறோம் என்பதை மறவாதீர்கள்.
இந்த
BACKGROUND பண்பானது உங்கள் HTML ஆவணத்தில் பின்னணியில் படத்தைச்
சேர்க்கப் பயன்படுகிறது. அதாவது முன்பு பார்த்த BGCOLOR என்ற பண்பைப்
பார்த்தோமல்லவா? அதைப்போன்றேதான்.. ஒரே ஒரு வித்தியாசம் என்னவெனில் BGCOLOR
பண்பில் பின்னணியில் நிறத்தை வைக்கிறோம். BACKGROUND பண்பு பின்னணியில்
படத்தை வைக்கிறோம். அவ்வளவே.
இவ்வாறு படத்தை வைக்க TAG-ல் BACKGROUND என்ற சிறப்புப் பண்பைச் சேர்க்க வேண்டும்.
உ.ம்.
<HTML><HEAD><TITLE>Background in BODY TAG</TITLE></HEAD><BODY BACKGROUND="IMAGE URL" >இந்த நிரல் HTML ஆவணத்தில் வலைபக்கங்களின் பின்னணியில் படங்களை வைக்கப் பயன்படும் background என்ற சிறப்புப் பண்பைப் பற்றியது</BODY></HTML>
மேற்கண்ட நிரலில் படத்தினுடைய URL -லை கொடுக்கவேண்டும்.
உலவியில் இதனுடைய வெளிப்பாடு இவ்வாறு இருக்கும்.
இதில்
நீங்கள் வைக்க வேண்டிய படத்தின் சரியான கோப்புத் தடத்தைப்(File Path or
image url) பதிய வேண்டும். அப்போதுதான் படமானது உங்கள் HTML
வலைப்பக்கத்தின் பின்னணியில் படம் தோன்றும்.
நீங்கள் பின்னணியில் வைக்க விரும்பும் படம் உங்கள் கணினியிலேயே சேமிக்கப்பட்டிருந்தால், அந்த
- படத்தின் மீது ரைட் கிளிக் செய்து Properties என்பதைத் தேர்ந்தெடுங்கள்.
- அதில் General என்ற டேபில் கீழே Location என்பதற்கு நேராக இருக்கும் பைல்பாத்தை-file path(கோப்புத் தடம்) காப்பி செய்து செய்துகொள்ளுங்கள்.
- பிறகு HTML ஆவணத்தில் இறுதியாக அந்த படத்தின் பெயர் என்னவோ அதை தட்டச்சிட்டு சேமித்துக்கொள்ளுங்கள்.
அதாவது இவ்வாறு இருக்க வேண்டும்.
C:\Users\User\Desktop\imagename.jpg
இவ்வாறு கோப்புத் தடத்தை காப்பி செய்துகொண்டு உங்கள் HTML ஆவணத்தில்
<BODY BACKGROUND="IMAGE URL" > என்பதில் IMAGE URL
என்பதை நீக்கிவிட்டு நீங்கள் காப்பி செய்த படத்தின் தடத்தை(FILE PATH) பேஸ்ட் செய்துகொள்ளுங்கள்.
அதாவது இப்படி இருக்க வேண்டும்.
<BODY BACKGROUND="C:\Users\User\Desktop\imagename.jpg" >
இப்போது முழு HTML ஆவணம்
<HTML><HEAD><TITLE>Background in BODY TAG</TITLE></HEAD><BODY BACKGROUND="C:\Users\User\Desktop\imagename.jpg" >இந்த HTML ஆவணம் பின்னணியில் படங்களை வைக்கப் BODY குறி ஒட்டில் பயன்படுத்தக்கூடிய background என்ற சிறப்புப் பண்பைப் பற்றியது.</BODY></HTML>
இப்போது
உங்கள் HTML ஆவணத்தை .html என்னும் விரிவுடன் சேமித்து, உங்கள் வலை
உலவியில் திறந்து பாருங்கள்.. அங்கே ஓர் ஆச்சர்யம் காத்திருக்கும். நீங்கள்
தேரந்தெடுத்த படமானது உங்கள் வலைப்பக்கத்தின் பின்னணியில் வந்து உங்களை
மகிழ்வித்துக்கொண்டிருக்கும்.
குறிப்பு:
படத்திற்கான URL அல்லது File Path சரியாக தட்டச்சிடப்பட்டுள்ளதா அல்லது
சரியாக காப்பி பேஸ்ட் செய்துள்ளதா என்பதை ஒரு முறை சோதனை
செய்துகொள்ளுங்கள். சிறு தவறு ஏற்படினும் படமானது பின்னணியில் தோன்றாது.
BODY
TAG-ல் பயன்படுத்தக்கூடிய சிறப்புப் பண்புகளில் ஒன்றான இணைப்பு பண்பைப்
(LINK Attributions) பற்றி இனி வரும் பதிவுகளில் காணலாம்.
பதிவானது
பலரையும் சென்றடைய திரட்டிகளில் ஓட்டுப்போட உங்களைக் கேட்டுக்கொள்கிறேன்.
உங்கள் நண்பர்களுக்கு பகிர சமூதளங்களில் பதிவைப் பகிர்ந்திடுங்கள். நன்றி
நண்பர்களே மீண்டும் அடுத்த பதிவில் சந்திப்போம்....!!
